धनगढी- सुदृष्टि आँखा केन्द्रको सहकार्यमा धनगढी उपमहानगरपालिका ९४ स्थित अक्सफोर्ड युनिभर्स रिडेक्स सेकेन्ड्री स्कुलका विद्यार्थी र अभिभावकको निःशुल्क आँखा परीक्षण गरिएको छ ।
अक्सफोर्डको स्वस्थ विद्यार्थी कार्यक्रम अन्तर्गत तेस्रो चरणमा विद्यार्थीका आँखा परीक्षण गरिएको जनाइएको छ । स्वास्थ्य राम्रो भय मात्रै विद्यार्थीले ज्ञान आर्जन गर्न सक्ने भन्दै अक्सफोर्डले विगत देखिनै विभिन्न स्वास्थ्य संस्थासँगको सहकार्यमा विद्यालयमा स्वास्थ्य परीक्षण कार्यक्रम आयोजना गर्दै आएको छ ।
विद्यालयका प्रिन्सिपल लोकराज पन्तका अनुसार पहिलो चरणमा माया मेट्रो अस्पताल सँगको सहकार्यमा विद्यार्थीको समग्र स्वास्थ्य परीक्षण गरिएको थियो भने, दोस्रो चरणमा दाँत परीक्षण र तेस्रो चरणमा सुदृष्टि आँखा केन्द्र सँगको सहकार्यमा विद्यार्थीको आँखा परीक्षण गरिएको हो ।
पछिल्लो समय बालबालिका मोबाइल र टिभीमा बढी समय बिताउन गरेका कारण उनीहरूको आँखाको अवस्था पत्ता लगाउन आँखा परीक्षण गरिएको प्रिन्सिपल पन्तले बताए ।
आँखा मानिसको महत्त्वपूर्ण अङ्ग भएपनि समस्या नपरी आँखा परीक्षण नगर्ने हामी सबैको वानि छ, प्रिन्सिपल पन्तले भने,९ तर समयमै आँखा परीक्षण गरे आँखाको ज्योति कायमै राख्न सकिन्छ भन्ने सन्देश दिन विद्यालयले दृष्टि आँखा केन्द्रको सहकार्यमा आँखा परीक्षण कार्यक्रम सञ्चालन गरेको हो ।,
दुष्टि विशेषज्ञ डा.सावित्री भट्टको टोलीले आँखा परीक्षण गरेका थिए । आँखा परीक्षण कार्यक्रममा विद्यार्थी, शिक्षक र अभिभावक गरि साढे ६ सय जनाको आँखा परीक्षण गरिएको प्रिन्सिपल पन्तले बताए ।
