कंञ्चनपुर । कंञ्चनपुरमा अटो र मोटरसाइकल एक आपसमा ठोकिदा एक जनाको मृत्यु भएको छ ।
मृत्यु हुनेमा अटोचालक कञ्चनपुर, पुनर्वास २ मोतिबस्ति बस्ने वर्ष ५० को दान सिंह रहेको प्रहरीले जनाएको छ । शुक्रबार राती कञ्चनपुर, पुनर्वास १ अंशुवर्मा स्थित हुलाकी सडक खण्डमा पुर्वबाट पश्चिम तर्फ जादै गरेको सु.प.प्र. ०१- ०११ प ३४३२ नम्बरको मोटरसाइकल र विपरित दिशाबाट आउदै गरेको सु.प.प्र.०१-००१ ह ४६०४ नम्वरको पेट्रोलियम अटो एक आपसमा ठोकिएको थियो ।
अटो चालक पुनर्वास २ मोतिबस्ति बस्ने वर्ष ५० को सिंह गम्भिर घाईते भई उपचारको लागि माया मेट्रो अस्पताल धनगढी लगिएकोमा चिकित्सकले चेकजाँच गर्दा शुक्रबार राती नै उनलाई मृत घोषणा गरेको प्रहरीले जनाएको छ ।
मोटरसाइकल चालक ४ ‘घ’ गाउँ बस्ने वर्ष २७ को महेन्द्र शाही र अटोमा सवार घाइते २ बस्ने वर्ष २८ को गोविन्द सिंहको सोही अस्पतालमा उपचार भईरहेको, मोटरसाइकल पछाडी सवार ऐ. ४ बस्ने वर्ष २९ को कालु शाही घाईते भई स्थानिय पोलिक्लिनिकमा उपचार भईरहेको पनि प्रहरीले जनाएको छ ।
