धनगढी । पत्नी शोकमा रहेका पत्रकार मीन बमको निवास पुगेर ऊर्जा, जलस्रोत तथा सिँचाइमन्त्री दीपक खड्काले समवेदना व्यक्त गरेका छन्।
मंगलबार धनगढीस्थित पत्रकार बमको निवास पुगेर मन्त्री खड्काले मृतकप्रति श्रद्धाञ्जली अर्पण गर्दै शोकसन्तप्त परिवारजनमा समवेदना व्यक्त गरेका हुन् । मन्त्री खड्काले मृतकप्रति श्रद्धा प्रकट गर्दै शोकसन्तप्त परिवारलाई धैर्य, शक्ति र सहनशीलता मिलोस् भन्ने कामना गरेका थिए।
बम सुदूरपश्चिमको सञ्चार क्षेत्रमा लामो समयदेखि सक्रिय पत्रकार हुन् । उनको व्यक्तिगत पीडामा सहभागी हुन समाजका विभिन्न क्षेत्रका व्यक्तिहरू पनि शोक व्यक्त गर्न उनको निवास पुगेका छन्।
