धनगढी । सुदूरपश्चिम प्रदेशका दुई मन्त्रीका गाडी एकआपसमा ठोकिँदा दुर्घटना भएको छ ।
आज कैलालीको लम्कीचुहा नगरपालिकाको लम्कीबजार नजिक आन्तरिक मामिला तथा कानुनमन्त्री हीरा सार्की र भौतिक पूर्वाधर विकासमन्त्री सुरेन्द्र पाल सवार गाडी एक आपसमा ठोक्किदा दुर्घटना भएको हो ।
मन्त्री सार्की सवार से १ झ ३३० र मन्त्री पाल सवार बा २ झ १४१९ नम्बरको गाडी एकआपसमा ठोक्किएको प्रहरीले जनाएको छ । कटासे जलविद्युत आयोजनाको इन्टेक उद्घाटन कार्यक्रममा सहभागी हुन चिसापानी जाने बेला सो दुर्घटना भएको ट्राफिक प्रहरी कार्यालय कैलालीले जनाएको छ । दुर्घटनामा मानवीय क्षति नभएको र दुबै गाडीमा मात्रै क्षति भएको जनाइएको छ ।
