धनगढी । नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले गौरापर्वले सामाजिक एकता र सामूहिकता प्रवर्द्धनमा विशिष्ट भूमिका खेलेको बताएका छन् ।
गौरापर्व २०८२ को अवसरमा आज सामाजिक सञ्चालमार्फत शुभकामना सन्देश दिँदै उनले यस्तो बताएका हुन् । अध्यक्ष प्रचण्डले गौरा प्रकृति र उत्पादन प्रणालीबीच अभिन्न सम्बन्ध झल्काउने तथा मौलिक सांस्कृतिक पहिचान बोकेको पर्व भएको बताए ।
उनले भनेका छन् ‘सबै जाति, भाषा, धर्म र समुदायको सम्मान, पहिचान र अपनत्वले मात्रै साँचो अर्थमा राष्ट्रियता बलियो हुने भएकाले यी पर्वहरूको उचित संरक्षण र सम्वर्द्धनका लागि अपील गर्दछु।’
‘सुदूरपश्चिम तथा कर्णाली प्रदेशमा मनाइने स्थानीय संस्कृतिको प्रमुख चाड गौरा पर्वका अवसरमा हार्दिक शुभकामना’उनले सन्देशमा भनेका छन् ।
