धनगढी । कञ्चनपुरबाट लागुऔषध मुद्दाका एक फरार प्रतिवादी पक्राउ परेका छन् । पक्राउ पर्नेमा जिल्लाको कृष्णपुर नगरपालिका–७ कलुवापुर बस्ने ३५ वर्षीय विशाल बुढाऐर रहेको सुदूरपश्चिम प्रदेश प्रहरी कार्यालय धनगढीले जनाएको छ ।
जिल्ला अदालत कञ्चनपुरको फैसलाले लागुऔषध मुद्दामा ३ महिना कैद सजाय तोकिएका उनलाई जिल्ला प्रहरी कार्यालय कञ्चनपुरबाट खटिएको प्रहरी टोलीले पक्राउ गरेको जनाइएको छ ।
