धनगढी । डोटीको केआई सिंह गाउँपालिकाको सार्वजनिक सुनुवाई कार्यक्रममा पालिकाभित्र भएका समस्या राख्दा अवरोध सिर्जना भएको छ ।
शनिबार आव २०८१/८२ को सार्वजनिक सुनुवाई कार्यक्रममा समस्या राख्दा बोल्न बक्तालाई अवरोध गरिएको हो ।
कार्यक्रममा नेकपा (माओवादी) केन्द्रका सुदूरपश्चिम प्रदेश सह–सचिव केशवनाथ योगीले पालिकामा भएका सुधारका कार्य र समस्याका बारेमा आफ्ना धारणा राख्ने क्रममा अन्तिममा आएर उनलाई बोल्नमा अवरोध गरिएको थियो ।
उनले कार्यक्रममा दिपायलदेखि पालिकासम्म आउने सडक ७६ ठाउँमा भत्किएको बताएका थिए । उक्त सडकको ८० प्रतिशत नाली पूरै दाबिएको र वर्षाको पानी सडकमा बग्दा कयौँ ठाउँमा पिच सडक धोस्त भकएको बताएका थिए ।
योगीले पूर्वमुख्यमन्त्री त्रिलोचन भट्टका कारण केआई सिंह गाउँपालिकाको प्रत्येक वडामा सडक पिच भएको बताएका थिए । उनले भनेका थिए ‘यो हाम्रा लागि सौभाग्यको कुरा हो । कसले कहाँबाट के पहल ग¥यो त्यो महत्वपूर्ण कुरा होइन् । पालिकामा कति ठूलो विकास देखिएको छ,त्यो महत्वपूर्ण कुरा हो । यस पालिकामा लोकेन्दबहादुर शाही अध्यक्ष हुनुहुन्छ यो महत्वपूर्ण कुरा हो । म उहाँलाई भाग्यमानी सम्झिन्छु । अरु पालिकामा हेर्ने हो भने कुनै वडामा पिच भएको छैन् ।’
जब उनले पालिकामा शिक्षाको अवस्था बारे बोल्न थालेका थिए । त्यसपछि उनलाई बोल्नमा अवरोध गर्न थालियो । उनी भन्दै थिए ‘केआई सिंह जस्तो समृद्ध पालिकामा एसईईको नतिजा २४ प्रतिशत । एसईईको रिजल्ट २४ प्रतिशत ।’
उनले यत्ति के भनेका थिए,पछाडिबाट तपाई भाषण गर्ने हो कि यहाँ प्रश्न सोध्ने भन्दै आवाज आउँछ । भाषण गर्न मिल्दैन है पहिले भन्दिया छ है । तपाई कुरा बझ्नुहोस् भनेको सुनिन्छ ।
योगीले नेपाली कांग्रेस केआई सिंह गाउँपालिका–४ का सभापति प्रेम बिष्टको नेतृत्वको टोलीले बोल्नमा अवरोध सिर्जना गरेको बताए ।
उनले ‘जनगुनासाहरु हामीले समग्रतामा राखेका थियौँ । कंग्रेस कै जिम्मेवार व्यक्तिबाट अवरोध भयो । उहाँले भाषण गर्न पाइँदैन् । प्रश्नमात्रै गर्नुहोस् भन्नुभयो । होहल्ला गर्ने काम भयो । हामीले शिक्षामा भएका समस्या उठाउँन खोजेका थियौँ । उहाँहरुमा सुन्ने धर्यता भएन् ।’
