कैलाली । चालु आर्थिक बर्ष २०८२/८३ मा पनि सुदूरपश्चिम प्रदेशमा कृषहरुका लागि मल अभाव हुने भएको छ । सुदूरपश्चिम प्रदेशमा कोटा अनुसार मल नआउँदा चालु आर्थिक वर्षमा पनि मल अभाव हुने भएको हो ।
सुदूरपश्चिम प्रदेशमा मल अभाव हुन नदिन ९८ हजार मेट्रिकटन चाहिने कृषि सामाग्री कम्पनी लिमिटेडका प्रादेशिक प्रवन्धक नवलसिंह बोगटीले निशाना न्युजलाई जानकारी दिए ।
तर त्यसको ५० प्रतिशत पनि मल यहाँ नआउनाले मल अभाव हुने गरेको उनले बताए । उनका अनुसार आर्थिक गत वर्ष २०८१/८२ मा ३३ हजार ९ सय ७ मेट्रिकटन मल यहाँ आएको थियो ।
गत वर्ष ६४ हजार ९३ मेट्रिक टन मल अपुग भएको उनले बताए । उनका अनुसार यहा आएको मल मध्ये युरिया २० हजार २२६ मेट्रिकटन,डिएपी १३ हजार ४१ र पोटास ६३९ मेट्रिकटन थियो ।
अघिल्लो आर्थिक वर्ष २०८०/८१ मा २१ हजार ५ सय मेट्रिकटन आएको उनले बताए । ‘चालु आर्थिक वर्षका लागि ४ हजार ४८९ हजार मेट्रिकटन छुट्याएको छ’ उनले भने ‘एकलट आइसकेको छ ।
उनले युरिया प्रतिक्वीन्टल रु एक हजार ८७३ ,डिएपी प्रतिक्वीन्टल ४ हजार ७ सय ७३ र पोटास प्रतिक्विन्टल ३ हजार ५ सय ७३ का दरले बिक्री हुने गरेको बताए ।
