धनगढी – सुदूरपश्चिम प्रदेशसभाको सभामुखमा माओवादी केन्द्रका भीमबहादुर भण्डारी निर्वाचित भएका छन् ।
सभामुख चयनका लागि मंगलबार प्रदेशसभामा भएको निर्वाचनमा २९ जना सांसदको समर्थनमा भण्डारी सभामुखमा निर्वाचित भएका हुन् ।
सभामुखका अर्का उम्मेदवार कांग्रेसका मानबहादुर रावलले २० मत प्राप्त गरेका छन् ।
यसअघि दुईपल्ट भएको सभामुख निर्वाचनमा दुबै उम्मेदवारले बहुमत जुटाउन नसक्दा सभामुख चयन हुन सकेको थिएन ।
भण्डारीलाई माओवादीका ११, एमालेका १०, नाउपाका ७ र राप्रपाका १ संसदले समर्थन गरेका थिए ।
रावललाई कांग्रेसका १९ तथा समाजवादीका ४ सांसदले साथ दिने भनेपनि उनले २० मत मात्रै पाए । सुदूरपश्चिममा ५३ जना प्रदेशसभा सदस्य छन् ।
