धनगढी । उर्जा,जलस्रोत तथा सिँचाइमन्त्री दीपक खड्काले लोडसेडिङ भइरहेको भनेर अफवाह फैलाइएको बताएका छन् ।
नेपाल प्रेस युनियन कैलालीले मङ्गलबार धनगढीमा आयोजना गरेको पत्रकार सम्मेलनमा बोल्दै उनले यस्तो बताएका हुन् ।
उनले भने,‘लोडसेडिङ भयो केही तत्वले भ्रम सिर्जना गरेको छन् । जनमानसमा,युवामा भ्रम छर्ने काम गरिरहेका छन् । यी भनेका नकरात्मक सन्देश दिन मनपराउने,यो देश बर्बाद भएको देख्न चाहने हुन ।’
उनले देशमा प्रसस्त विद्युत भएको बताउँदै विद्युत निर्यात पनि भइरहेको बताए । हिउँदमा विद्युत आयात गरेर उपभोक्तालाई दिने गरेको र वर्षातमा बढी विद्युत उत्पादन भइ बिक्री गर्ने गरिएको बताए ।
वर्षातको समयमा धेरै ठाउँमा मर्मत गर्नुपर्ने तथा चट्याङका कारण ट्रान्सफर्मर जल्ने जस्ता समस्या आउनले र मर्मतमा केही समय लाग्दा लोडसेडिङ भयो भनेर भन्ने गरिएको उनले बताए ।
सरकारले द्रुत गतिमा काम गर्न चाहेको र सरकार लगानीमैत्री वातावरण बनाउन लागेको उनले बताए । उनले पश्चिम सेती परियोजना कानुनी अड्चन लगायतका कारण ढिला हुँदै गएको र हाल काम अगाडि बढेको बताए । उनले स्रोतका हिसावले देशमा उर्जा क्षेत्रको व्यापक सम्भावना रहेको पनि बताए ।
