काठमाडौं । देशका विभिन्न स्थानमा भएका छुट्टाछुट्टै सवारी दुर्घटनामा तीन जनाको मृत्यु भएको छ । रूपन्देहीको सैनामैना नगरपालिका–४ कुश्मास्थित सडकमा लु.३० प १२१९ नम्बरको मोटरसाइकल अनियन्त्रित भई शुक्रबार राति दुर्घटना हुँदा चालक सोही ठाउँ बस्ने २२ वर्षीय प्रेम कुमालको मृत्यु भएको छ । दुर्घटनामा गम्भीर घाइते भएका उनको भैरहवास्थित अस्पतालमा थप उपचारको क्रममा मृत्यु भएको प्रहरीले जनाएको छ ।
सुनसरीको दुहबी नगरपालिका–२ पचिरास्थित सडकमा को.६ प ५२४१ नम्बरको मोटरसाइकल र को.३२ प १५०४ नम्बरको मोटरसाइकल एकआपसमा ठक्कर खाई शुक्रबार राति दुर्घटना हुँदा को.३२ प १५०४ नम्बरको मोटरसाइकल चालक गढी गाँउपालिका–२ बस्ने १८ वर्षीय नजामुदिन मियाको मृत्यु भएको छ । दुर्घटनमा गम्भीर घाइते भएका उनको विराट नरसिंह होम विराटनगरमा उपचारको क्रममा मृत्यु भएको जनाइएको छ ।
साथै दुर्घटनामा घाइते भएका को.६ प ५२४१ नम्बरको मोटरसाइकल चालक र को.३२ प १५०४ नम्बरको मोटरसाइकलमा सवार १ जनाको सोही अस्पतालमा उपचार भइरहेको छ ।
त्यस्तै,महोत्तरीको बर्दिबास नगरपालिका–१० वनपथ चोकस्थित सडकमा प्र.०३–००१ ख ६४६१ नम्बरको ट्रकले म.प्र ०२–००८ प ६८३४ नम्बरको स्कुटरलाई शनिबार दिउँसो ठक्कर दिँदा स्कुटर चालक सर्लाही लालबन्दी नगरपालिका–९ बस्तिपुर क्याम्पस चोक बस्ने ३८ वर्षीय नरकुमार आचार्यको मृत्यु भएको छ । दुर्घटनामा गम्भीर घाइते भएका उनको शुभ स्वस्तिक अस्पताल बर्दिबासमा उपचारको क्रमममा मृत्यु भएको प्रहरीले जनाएको छ ।
साथै दुर्घटनामा घाइते भएका स्कुटरमा सवार १ जनाको सोही अस्पतालमा उपचार भइरहेको जनाइएको छ । ट्रक चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
