धनगढी । कैलालीको बसन्ता क्षेत्रका कृषकहरु आकाशमा कालो बादल मडारिँदा त्रसित हुने गरेका छन् ।

कैलारी गाउँपालिका–७ छटकपुर,भुँइयाफाँटा,वडुक,बसन्ताका सैयौँ  कृषकहरु आकाशमा कालो बादल मडारिँदा त्रसित हुने गरेका हुन् ।

बसन्ता क्षेत्रमा प्रत्येक बर्ष कटैनी नदीमा आउने बाढिले लगाएको अन्नबाली सखाप गर्नुका साथै सयौँ घर डुबानमा पर्दै आएका छन् । ‘आकाशमा जब बादल मडारिँन सुरु हुन्छ तब रातभर जाग्राम बस्नु पर्ने हुन्छ’ कैलारी गाउँपालिका ७ का कृषक महावीर चौधरीले दुःखेसो पोख्दै भने ‘गत बर्ष २ बिगाह जग्गामा लगाएको धानबाली बाढीले बगाएर लग्यो ।  बाढीका कारण आउने बर्ष पुग्ने गरी खाद्य सामाग्रीको जोह गर्नुपर्ने  बाध्यता  रहेको उनको भनाई छ ।

प्रत्येक बर्ष बाढीका कारण खेतबारीमा लगाएको धानबाली नष्ट हुने गरेको उनले बताए । छटकपुर क्षेत्रमा १९५ घर धुरी  छन् ।  १३५ जनाले   कृषि पेशा अगालेका छन् । । उनले भने ‘६० जना अन्य काम गर्दै आएका छन् । खेतबारी छैन खानेकुराको जोह गर्न काम त गर्नु नै पर्छ । यहाँ पुलपुलेसा,सडक बिग्रिदा हामीले काम गर्नुपर्छ उनीहरु सहभागी हुदैनन् सो बाफत ५ देखि १० हजार समुहमा जम्मा गर्ने गर्छन् ।’
बाढी आउने डरले यो बर्ष पनि पूर्वतयारी गरिसकेका छौँ , खाद्यसामाग्री घरको माथिल्लो तला राख्ने काम भएको उनले बताए ।’

बाढीको पूर्वतयारीका लागि साइरन,माईकको व्यवस्था समेत गरेको उनले बताए । हरेक बर्ष बाढीमा साईरन बज्ने गरेको बताउँदै उनले भने १२ बजे पनि बाढी आए साइरन बजाउने र माईकबाट सुरक्षित स्थानमा बस्न आग्रह गर्ने गरिएको बताए।

छटकपुर बिपद व्यवस्थापन समिति निर्माण पनि गरेको उनले बताए । उनले भने ‘म आफै अध्यक्ष हुँ। ६ जनाको टोली छ,उनीहरुले बाढीमा फसेकाको उद्धार र कस्को घरमा पानि पसेको छ पत्ता लगाउने काम गर्छन् ।’ बाढीका कारण सबैभन्दा त्रसित छटकपुरबासी हुने गरेको उनले बताए । ‘हाम्रो सबै जमिन कटैनी नदी पारी रहेको छ । गत बर्ष लगाएको काठको पुल पुरै नदीले बगाउँदा साह्रै दुख पाइएको छ’
‘सो पुल निर्माण गर्दा करोडौँ लाग्ने गर्दछ’ उनले भने ‘राज्यको यस क्षेत्रमा चासो  छैन ।

हामीले काठको पुलबाट डल्लव लिएर खेतबारी जोत्न जानु पर्छ यसपाली पनि काठको पुल जसोतसो  निर्माण गरेका छौँ ।’ राहत कसैबाट नपाइएको उनले बताए । ‘हामीलाई दुःख कष्ट धेरै छ । पानी पर्दा निद्रा लाग्दैन के गरौँ कसो गरौँ हुन्छ’, उनले दुःखेसो पोख्दै भने ‘यसपाली पानी त परेको छैन तर पनि चिन्ता लागिरहन्छ ।

त्यस्तै वडा नं. ५ बस्ने लालवीर चौधरीको चिन्ता पनि उस्तै छ ।  बर्षातको समय पानी पर्दा पुरै घर डुबानमा पर्ने गर्छन् ।’ खेतबारीमा लगाएको धानबाली सबै सखाप हुने गरेको उनले बताए । यस क्षेत्रको बाढी व्यवस्थापनका लागि कसैको चिन्ता र चासो नहुने गरेको उनी दुःखेसो पोख्छन् ।