धनगढी । कैलालीमा एकजना खैरो हेरोइनसहित पक्राउ परेका छन्। जिल्लाको गोदावरी नगरपालिका–१ बिजौरास्थित से ३ प ५१४१ नम्बरको मोटरसाइकललाई चेकजाँच गर्दा मोटरसाइकल चालक सोही ठाउँ बस्ने २७ वर्षीय राजु चौधरी पक्राउ परेको प्रहरीले जनाएको छ।
चौधरीले चलाएको मोटरसाइकलको भाइजरको मुनी हेण्डिलको टी– गार्डको प्वाल भित्र लुकाइ छिपाइ राखेको अवस्थामा ९ ग्राम लागुऔषध खैरो हेरोइन जस्तो देखिने धुलो पदार्थ फेला पारी उक्त पदार्थ, मोटरसाइकलसहित उनलाई लागुऔषध नियन्त्रण ब्युरो शाखा कार्यालय महेन्द्रनगर र प्रहरी चौकी गेटाबाट संयुक्त रुपमा खटिएको प्रहरी टोलीले नियन्त्रणमा लिएको जनाइएको छ।
