धनगढी । नेतृत्व चयनका लागि यही भदौ २८ गते हुने कैलाली उद्योग वाणिज्य संघको निर्वाचनको सरगर्मी बढेको छ । अध्यक्ष पदका उम्मेदवार रुपेश स्वाँर र पुष्करराज ओझा प्यानल घोषणा गरेर चुनावी प्रतिष्पर्धामा होमिएका छन् ।
उनीहरु आ–आफ्नो प्यानलसहित मतदाता व्यवसायीलाई भेटघाटमा छन् । माहोल आफ्नो पक्षमा पार्न दुबै पक्ष कसरतमा छन् । अध्यक्ष पदका उम्मेदवार स्वाँर संघका पूर्वमहासचिव हुन भने ओझा वर्तमान समितिका वरिष्ठ उपाध्यक्ष हुन् । उनीहरु दुबै जना प्यानतसहित चुनावी प्रतिष्पर्धामा उत्रिएका छन् । दुबै प्यानल यतिखेर आ–आफ्ना चुनावी प्रतिवद्धतासहित मतदाता भेटघाटलाई तीब्रता दिएका छन् ।
स्वाँरको प्यानलबाट बरिष्ठ उपाध्यक्षमा केशवराज जोशी, उपाध्यक्ष(उद्योग)मा लक्ष्मणराज पन्त, उपाध्यक्ष (एसोसियट)मा अनिलकुमार भुजनिया, उपाध्यक्ष (वाणिज्य) मा राधिका चौधरी र उपाध्यक्ष (वस्तुगत)मा सिद्धराज पनेरु,महासचिवमा सुरेश पाण्डेय, सचिवमा प्रकाशकुमार चन्द र कोषाध्यक्षमा तिलक बोहरा रहेका छन् ।
त्यस्तै, सदस्यमा रुपेश खड्का, अम्बिका भण्डारी, मिलन कुँवर, प्रेमबहादुर धामी, भरतबहादुर थापा, नेत्रप्रसाद तिवारी, देवराज जोशी, तेज बम, शुभशंकर ठाकुर, दिपेश राठोर, अमर चोखाल, प्रमिला पाठक र मन्जु भट्ट रहेका छन् ।
ओझा नेतृत्वको प्यानलमा वरिष्ठ उपाध्यक्षमा वर्तमान कार्यसमितिका महासचिव ओमबहादुर बिष्ट, उपाध्यक्ष (उद्योग)मा बाशुदेव भट्ट, उपाध्यक्ष (वाणिज्य)मा गगनराज केसी, उपाध्यक्ष (वस्तुगत)मा भीमराज ओझा ‘अब्बु’, उपाध्यक्ष (एशोसिएट)मा मनोज अग्रवाल,महासचिवमा दिनेश लम्साल, सचिवमा कृष्णाकुमारी बिष्ट र कोषाध्यक्षमा सुरेन्द्रबहादुर कडायतले उम्मेदवारी घोषणा गरेका छन् ।
त्यस्तै,सदस्यमा बमबहादुर कुँवर, धु्रवराज दाहाल, रेखा बास्तोला, पदमबिक्रम सिंह, अजय पाण्डेय, टेकबहादुर खड्का, तर्कराज भट्ट, सुरजबहादुर रैका, प्रजापति जोशी, कमला भट्टराइ,अनुप भण्डारी, बिन्दु सुनार र सुरेश सापकोटा रहेका छन् ।
पदाधिकारी तथा सदस्यमा स्वतन्त्र उम्मेदवारी पर्न सक्ने सम्भावना भए पनि नेतृत्वका लागि दुई प्यानलबीचनै प्रतिस्पर्धा हुने व्यवसायीहरुको अनुमान छ ।
निर्वाचनले अध्यक्षसहित नौ पदाधिकारीसहित २२ सदस्यीय नयाँ कार्यसमिति चयन गर्ने छ भने दुई हजार २ सय ७४ जना व्यवसायी मतदाता रहेका कैलाली उद्योग वाणिज्य संघले जनाएको छ ।
