धनगढी । कैलालीको धनगढीमा यही कात्तिक २९ गते शनिबार साइकल र्याली हुने भएको छ। धनगढी उपमहानगरपालिकाको आयोजनामा साइकल र्याली हुने भएको हो ।
नगरप्रमुख गोपाल हमालले एक भिडियो सन्देशमार्फत साइकल र्यालीका बारेमा जानकारी दिएका छन् । उनले भिडियो सन्देशमार्फत शनिबार आयोजना हुने साइकल र्यालीमा भाग लिन सबैमा अपील समेत गरेका छन् । उनले भनेका छन् ‘म संग माउन्टेन बाइक छैन् भन्ने नमान्नु होला । घरमा जुन साइकल छ त्यही ल्याएर शनिबार बिहान ८ बजे ट्राफिक चौराहामा आउनु होला ।’
उनले धनगढी चौराहबाट ठीक ८ : ३० साइकल र्याली सुरू हुने र उक्त र्याली धनगढी मुख्य सडक हुँदै गुरहीचोकबाट जेन्जी मार्गमा पुगेर समापन हुने बताएका छन् । उनले ‘हाम्रो धनगढी,हामी बनाउँछौँ’ अभियानसँग जोड्न साइकल र्याली आयोजना गर्न लागिएको उनले बताए ।
