धनगढी । कैलाली कारागारबाट भागेका २ सय ४३ जना कैदीबन्दी अझै फरार रहेका छन् । जेनजी आन्दोलनको क्रममा गत भदौ २४ गते कारागारबाट भागेका कैदीबन्दीहरु फरार रहेका हुन् । भागेका कैदीबन्दी फरार रहँदा जिल्लामा सुरक्षा चुनौति कायमै रहेको छ ।
कैलाली कारागारबाट भागेका ६ सय ६५ कैदीबन्दी मध्ये हालसम्म ४ सय २३ जनामात्रै कारागार फर्किएको कैलाली कारागारले जनाएको छ ।
कारागारका अनुसार फर्किएका मध्ये ३७ महिला र ३ सय ८६ पुरुष रहेका छन् । फरार रहेका कैदीबन्दी कारागार नफर्किँदा सुरक्षा चुनौति बढेको छ । फरार रहेका मध्ये १९ जना भने भारतीय नागरिक रहेको जनाइएको छ । कैलाली कारागारमा २१ भारतीय रहेकामा २ जना मात्रै कारागार फर्किएको कारागार प्रशासनले जनाएको छ ।
फर्किएकामध्ये धेरैजसो आफै सम्पर्कमा आएका र केहीलाई प्रहरीले पक्राउ गरि बुझाएको कारागार प्रशासनले जनाएको छ । फरार रहेकाको प्रहरी खोजी तीब्र पारेको कारागारले जनाइएको छ ।
कैलाली कारागारमा ६ सय ६७ जना कैदीबन्दी रहेका थिए । जसमध्ये ५८ जना महिला थिए । जेनजी आन्दोलनका क्रममा ६ सय ६५ जना कैदीबन्दी भागेको जनाइएको छ ।
एकजना नभागेको र एक जना उपचाररत रहेकाले भाग्न नपाएको जनाइएको छ ।
