काठमाडौँ । मेडिकल व्यवसायी दुर्गा प्रसाईंलाई प्रहरीले पक्राउ गरेको छ।
प्रसाईंलाई सोमबार मध्यरातमा भक्तपुरस्थित उनकै घरबाट जिल्ला प्रहरी परिसर काठमाडौं र काठमाडौं उपत्यका अपराध अनुसन्धान कार्यालयको संयुक्त टोलीले नियन्त्रणमा लिएको हो।
प्रहरी स्रोतका अनुसार उनीमाथि हिंसा भड्किने गरी अराजक गतिविधि गर्न अभिव्यक्ति दिएको आरोप लागेको छ।
पक्राउ परेका प्रसाईंले यही मंसिर ७ गतेदेखि बैंकबाट लिएको ऋण मिनाहा हुनुपर्ने लगायत विभिन्न माग राखेर देशव्यापी आन्दोलनको तयारी गरिरहेका थिए।
