धनगढी । कैलालीको चुरे गाउँपालिकामा माटो परीक्षण गर्न थालिएको छ । नेपाल रेडक्रस सोसाइटी कैलाली शाखाले ब्रिटिस रेडक्रसले जैविक विविधता संरक्षण र जीविकोपार्जनका क्षेत्रमा काम गरिरहेका पालिकाका वडा नं. २ र ५ मा माटो परीक्षण गर्न थालिएको हो ।
माटो परीक्षण गरिएका क्षेत्रमा माटोको उर्भरा शक्तिमा अम्लिय पदार्थ धेरै देखिएको नेपाल रेडक्रस सोसाइटी कैलाली शाखाका शाखा विकास अधिकृत नरेन्द्र भट्टले बताए ।
उनले जलवायु परिवर्तन तथा बिषादीको अधिक प्रयोगले माटोमा अम्लियपन बढ्दै गएको बताए । उनले रेडक्रसले किसानलाई जलवायुमैत्री जीविकोपार्जनका लागि सहयोग गरिरहेको बताए ।
वडा नं. ५ मा माटोका १ सय ५ नमुना परीक्षण गर्दा ९५ प्रतिशत बढी नमुनामा अम्लियपन देखिएको माटो तथा मल परीक्षण प्रयोगशालाका प्रमुख प्रकाशकुमार पन्तले जानकारी दिए ।
उनले त्यस्तै माटोमा प्राङगारिक पदार्थ कम देखिएको बताउँदै ९५ प्रतिशत माटोका नमुनामा पोटास र नाइट्रोजन कम देखिएको बताए । त्यस्तै उनले अधिकांश माटोमा फस्फोरस पनि कम रहेको बताए ।
यसको व्यवस्थापन नगरि कृषि कार्य उपयुक्त नभएको बताए । चुरे गाउाँपालिकाका अध्यक्ष चक्र बोगटीले बिषादी अत्यधिक प्रयोगले कृषिजन्य उत्पादन प्रयोगमा समस्या भएको बताए ।
उनले किसानले कृषिमा प्राङ्गारिक मलको प्रयोग बढाउन आवश्यक भएको बताए । उनले जलवायुमैत्री उत्पादन गर्नु आजको आवश्यकता भएको बताउँदै त्यसतर्फ किसानले ध्यान दिनुपर्ने बताए ।
