धनगढी । प्रेस सेन्टर नेपालका केन्द्रीय उपमहासचिव हर्कसिंह प्रपाला हरिषलाई नेपाली कम्युनिष्ट पार्टील कैलालीले प्रतिनिधी सभा निर्वाचनमा लागि कैलाली क्षेत्र न ५ बाट समानुपातिकमा सिफारिस गरेको छ । प्रपालालाई अल्पसंख्यक तथा लोपउन्मुख कलष्टरबाट नेकपाले सिफारीस गरेको हो ।
नेकपा कैलालीले जिल्लाका सबै क्षेत्रबाट प्रत्यक्ष तथा समानुपातिकमा आकांक्षा राख्नेहरुको अन्तिम नाम टुंग्याउदै केन्द्रमा सिफारीस गरेको छ । यही फागुन २१ गते हुने प्रतिनिधि सभा निर्वाचनका लागि दलहरुले उम्मेद्धार छनौट र सिफारिसको कार्य धमाधम गर्दै आएका छन ।
समानुपालिकमा सिफारिस पछि प्रपालाले आफनो पार्टी प्रतिको त्यागलाई मुल्याकंन गर्दै समानुपातिकमा सिफारिस गरेकोमा सम्पूर्ण नेता गणलाई धन्यवाद समेत व्यक्त गरेका छन । आफूले कम्युनिष्ट आन्दोलको बिरासतलाई जोगाउदै सु–सासन न्याय र विकाससँग जोडेर अघि बढाउने प्रतिबद्धता जनाएका छन । साथै उनले आफु भष्ट्राचार बिरुद्ध उभिदै सुसासनका पक्षमा आपनो आवाज बुलन्द हुने उनले बताए ।
प्रपालाले आफ्नो राजनीतिक यात्रा तत्कालीन नेकपा माओवादी निकट विद्यार्थी संगठन अनेरास्ववियु (क्रान्तिकारी) बाट सुरु गरेका हुन । परिवर्तनमुखी राजनीति र जनपक्षीय विचारलाई आत्मसात गर्दै उनी लामो समयदेखि पत्रकारिता क्षेत्रमा क्रियाशील रहेका छन ।
पछिल्ला करिब दुई दशकदेखि पत्रकारिता क्षेत्रमा सक्रिय प्रपालाले करिब १७ वर्षदेखि एभिन्युज टेलिभिजन सुदूरपश्चिम ब्युरो मार्फत सञ्चार क्षेत्रमा उल्लेखनीय योगदान दिँदै आएका छन । उनी नेकपा माओवादी निकट प्रेस सेन्टर कैलालीका पूर्व अध्यक्ष समेत हुन् भने हाल प्रेस सेन्टर नेपालका केन्द्रीय उपमहासचिवको जिम्मेवारीमा कार्यरत छन ।
