धनगढी- कैलालीको धनगढी उपमहानगरपालिका वडा नम्बर १४ फूलबारीमा छाडा गाई–गोरु व्यवस्थापन सहयोगार्थ वृहत खुल्ला दौड प्रतियोगिता २०७९ सम्पन्न भएको छ ।
नमूना नेपाल अभियानको आयोजनामा हिन्दुहरुको महान चार्ड वडा–दशैँको उपलक्ष्यमा ‘अब फूलबारी दौडिन्छ’ भन्ने मूल नाराका साथ शनिबार फूलबारीमा भएको ‘प्रथम वृहत खुल्ला दौड प्रतियोेगिताको उपाधि प्रथम विरेन्द्रप्रसाद भट्टराईले जितेका छन् । ८ किलोमिटर दुरीको दौड प्रतियोगितामा रोशन कार्की र तृतीय राहुल चौधरी भएका छन् ।
प्रथम भट्टराईले १० हजार, कार्कीलले पाँच हजार र तृतीय चौधरीले २५ सय रुपैयाँ प्राप्त गरे । तीनै जनालाई कार्यक्रमका प्रमुख अतिथि पूूर्व राष्ट्रिय खेलाडी, ब्यवसायी, समाजसेवी श्याम हमालले खादा, टीका र प्रमाणपत्र दिए । प्रतियोगितामा सबै भन्दा ज्येष्ठ खेलाडी धनगढी वडा नम्बर १४ का ५५ वर्षीय तोयप्रसाद पंगालीलाइ हमालले खादाले समान गरेका थिए ।
प्रतियोगितामा २५ जनाको सहभागिता रहेको थियो । नमूना नेपाल अभियानका अध्यक्ष याम लामिछाने मगरले धनगढीमा छाडा पशु चौपायाको व्यवस्थापन हुुन नसकेकाले स्थानीय सरकारलाई दबाब र्सिजना गर्ने उद्देश्यले दौड प्रतियोगिता आयोजना गरेको बताए । धनगढी उपमहानगरपालिकाले कान्जिहाउस निर्माण गर्न बजेट बिनियोजन गरेको भएपनि फूलबारीका वडाले जमिन उपलब्ध गराउन नसक्दा समस्या बढ्दै गएको उनले बताए ।
उक्त प्रतियोगिता बाट करिब २० हजार रकम उठेको बताउँदै छाडा पशुचौपाया व्यवस्थापन सहयोगार्थ वडा नम्बर १४ लाई सो रकम हस्तान्तरण गरिने उनको भनाइ छ । संस्थाको उदेश्य भनेको १४ नम्बर वडालाई अरु वडा भन्दा नमूना वडा बनाउने उदेश्य रहेको उनले बताए । क्लवले विगतका दिनमा सरसफाइ,वृक्षारोपण र पेनाल्टीक सुटआउट प्रतियोगिता लगायतका कार्यक्रमहरु गरेको उनले बताए ।
क्लवले तिहारमा सांस्कृतिक कार्यक्रमको आयोजना गर्न उद्देश्य रहेको उनले बताए । कार्यक्रममा स्वागत मन्तव्य क्लबका उपाध्यक्ष यमप्रसाद पंगालीले गरेको कार्यक्रमको सञ्चालन क्लबका सल्लाहकार चन्द्र लम्सालले गरेका थिए ।
