धनगढी ।देशभर मनसुन सक्रिय रहेको छ । आज सुदूरपश्चिमसहित चार प्रदेशमा अति भारी वर्षाको सम्भावना रहेको छ ।
देशभर मनसुनी वायु सक्रिय रहेकाले आज दिनभर र राति पनि अधिकांश स्थानमा वर्षा हुने मौसम पूर्वानुमान महाशाखाले जनाएको छ ।
महाशाखाका अनुसार कोशी, गण्डकी, लुम्बिनी र सुदूरपश्चिम प्रदेशका पहाडी तथा तराईका केही स्थानमा भारीदेखि अति भारी वर्षाको सम्भावना छ । बागमती, मधेस र कर्णालीका केही क्षेत्रमा पनि चट्याङ्गसहित मध्यमदेखि भारी वर्षा हुन सक्ने अनुमान गरिएको छ ।
अति भारी वर्षाको सम्भावना रहेका क्षेत्रमा बाढी, पहिरो र डुबानको जोखिम उच्च रहेकाले नदी–नाला आसपास र पहिरो प्रभावित क्षेत्रमा विशेष सतर्कता अपनाउन महाशाखाले आग्रह गरेको छ ।
