धनगढी। सुदूरपश्चिमको प्रमुख व्यापारिक केन्द्र धनगढीस्थित होटल पौवाले पाहुनाको सुविधालाई मध्यनजर गर्दै चौबीसै घण्टा आतिथ्य सेवा सञ्चालनमा ल्याएको छ ।
सुदूरपश्चिम प्रदेशको राजधानी तथा प्रवेशद्वारका रूपमा रहेको धनगढीमा यात्रु तथा सेवाग्राहीको चाप बढ्दै गएपछि होटलले दिनरात जुनसुकै समयमा पनि आवास तथा खानाको सेवा उपलब्ध गराउने व्यवस्थासहित चौबीसै घण्टा आतिथ्य सेवा सञ्चालनमा ल्याएको हो ।
विशेषगरी लामो दूरीको यात्रा गरेर राति धनगढी आइपुग्ने यात्रु, आकस्मिक कामका लागि आउने सेवाग्राही तथा व्यावसायिक प्रतिनिधिहरूलाई चौबीसै घण्टा सेवा सञ्चालनले सहज हुने होटलले जनाएको छ ।
सुदूरपश्चिमका नौवटै जिल्लाबाट स्वास्थ्य उपचार, अध्ययन, रोजगारी तथा व्यापारिक प्रयोजनका लागि धनगढी आउने नागरिकलाई लक्षित गर्दै गुणस्तरीय र सुरक्षित सेवा प्रदान गर्न थालिएको होटल व्यवस्थापनको भनाइ छ ।
स्वच्छ वातावरण, मौलिक आतिथ्य सत्कार र पाहुनाको सुरक्षालाई प्राथमिकतामा राख्दै सेवा सञ्चालनमा ल्याइएको होटलले जनाएको छ । ग्राहकको आवश्यकता र सुझावका आधारमा आगामी दिनमा सेवाको दायरा थप विस्तार तथा परिष्कृत गर्दै लैजाने व्यवस्थापनले प्रतिबद्धता जनाएको छ ।
