धनगढी– नेकपा (एकीकृत समाजवादी) की केन्द्रीय सचिव रामकुमारी झाँक्रीले पार्टीमा निष्क्रिय भएको भन्ने कुरा मिथ्या भएको बताएकी छन् । शुक्रवार धनगढी विमानस्थलमा सञ्चारकर्मीसँगको कुराकानी उनले यस्तो बताएकी हुन् ।
तपाइ अभियानमा निष्क्रिय हुनुभयो भन्ने आरोप छ नि ? भन्ने सञ्चारकर्मीको जिज्ञासामा झाँक्रीले भनिन् ‘अभियान नै पहिलो पटक चलिरहेको छ निष्क्रिय भएको भन्ने कुरा मिथ्या हो,काकडभित्ता बाटै अभियानमै छु’ ।
‘पार्टी निर्माण, सञ्चालन,संगठन बनाउने,पार्टीलाई अगाडि बढाउने कुरा,संगठन विचारधारा निर्माणका मेरा केही पार्टीसँग फण्डामेन्टल इसुहरु थिए’ उनले भनिन् ‘जुन मैले नेतृत्वसँग राख्ने प्रयास गरेकी थिए जुन सफल हुन सकेको थिएन्’ ।
‘यो पटकको केन्द्रीय कमिटी बैठकमा मैले आफ्ना कुरा राखे’ उनले भनिन् ‘त्यसपछि नेतृत्वले महसुस गरेको कुरा मलाई पनि महसुस भयो त्यस कारण कार्यक्रममा साथीहरूसँगै हिँडेकी छु,निष्क्रिय छैन् । झाँक्री एकीकृत समाजवादीको मेची महाकाली समाजवादी जागरण अभियानका क्रममा धनगढी आइपुगेकी हुन् ।
