धनगढी । सुदूरपश्चिम प्रदेश सरकारले जाजरकोट केन्द्रबिन्दु भएर गएको भूकम्प पीडितको राहत उद्धारका लागि १ करोड रकम उपलब्ध गराउने निर्णय गरेको छ ।
शनिवार विहान बसेको प्रदेश मन्त्रीपरिषद बैठकले शुक्रबार राति जाजरकोट र रुकुमपश्चिममा गएको भूकम्पबाट पीडितहरुको उद्धार,राहतका लागि १ करोड उपलब्ध गराउने निर्णय गरेको हो ।
प्रदेश सरकारले भूकम्प पीडितहरुको राहत,उद्धारका लागि १ करोड रकम उपलब्ध गराउने र औषधीसहित २० जना स्वास्थ्यकर्मीको टोली भूकम्प प्रभावित क्षेत्रमा पठाउने निर्णय गरेको उद्योग,पर्यटन,वन तथा वातावरण मन्त्री रमेशसिंह धामीले जानकारी दिए ।
उनका अनुसार आवश्यक प्रकृया पु¥याएर राहत रकम कर्णाली प्रदेश सरकारलाई उपलब्ध गराइने छ । साथै सदूरपश्चिम सरकारले भूकम्पमा परेर ज्यान गुमाएकाहरु प्रति श्रद्धाञ्जली अर्पण गर्दै घाइतेहरुको सिघ्र स्वास्थ्य लाभको कामना पनि गरेको छ ।शुक्रबार राति जाजरकोटको रामीडाँडा केन्द्रबिन्दु भएर गएको ६ दशमलव ४ म्याग्निच्युडको भूकम्पका कारण जाजरकोट र रुकुम पश्चिममा ठूलो संख्यामा मानवीय तथा भौतिक क्षति भएको छ भने सयौँ घाइते भएका छन् ।
