बाजुरा- बाजुराको बुढीगङ्गा नगरपालिका वडा नं –२ को पहिरो जोखिम बजेडी बस्तीमा पहिरो पूर्व सूचना दिने मेसिन ९साइरन० जडान गरिएको छ । यो बस्तीमा बर्खाको समय निरन्तर पहिरो बग्दै गरेकोले यहाँका स्थानीयलाई पहिरो आएको पूर्व जानकारी गर्ने गरी पहिरो पूर्व सूचना दिने मेसिन ९साइरन० जडान गरेको हो ।

पानी परेको समय पहिरो गएर पुर्छ कि भन्ने डर डरैले सधैँ बर्खाका रात काट्दै आएको बूढीगङ्गा नगरपालिका –२ बजेडीका स्थानीय दिनेशराज जैशीले बताए । उनले भने, “ अव पहिरोको आएको नआएको कुरा पहिला थाहा हुने गरी गाउँमा पहिरो पूर्व सूचना दिने मेसिन ९साइरन ० जडान भएपछि त्यो डर हटेको छ । ”

बर्खाको समय पहिरोका कारण यहाँका घर पनि बिस्तारै तल सर्ने गर्दछन् । यसरी घर तल सरेपछि कुन रात आफू पनि पहिरोमा पुरिने हो भन्ने मनमा डर हुन्थ्यो । अहिले गाउँमा दुई वटा पहिरो पूर्व सूचना दिने मेसिन (साइरन) मेसिन जडान गरेपछि पहिरो आएको बेला भागेर ज्यान बचाउने सकिने जैशीले बताए ।

२०२२ देखि २०८० सम्म बजेडीका स्थानीयवासी पहिरोकै डरैडरमा रात काट्दै आइरहेका छन् । पहिरोका कारण यहाँका झन्डै ९० घरपरिवार पहिला नै विस्थापित भइसकेका छन् । भने १३५ घर परिवार अझैँ पहिरोको उच्चजोखिममा रहेका छन् ।

यहाँका स्थानीयले बस्ती स्थानान्तरणका लागि स्थानीय प्रदेश र सङ्घीय सरकार सँग धेरै पटक माग राख्दै आएको भए पनि अहिले सम्म कतैबाट यो कुराको सुनुवाइ नै भएको छैन् । पहिरोका कारण यहाँको झन्डै सात हजार रोपनी जमिन बगरमा परिणत भएको छ । भने अझैँ पहिरो नरोकिएकोले यहाँका स्थानीयको नै उठीबास हुने अवस्था रहेको छ ।

यहाँका स्थानीयलाई पहिरोबाट जोगाउनका लागि नगरपालिका र साहास नेपालको आर्थिक सहयोग र राम लक्षण प्रालिको प्राविधिक सहयोगमा गाउँमा पहिरो पूर्व सूचना दिने मेसिन (साइन) जडान गरिएको बुढीगङ्गा नगरपालिका वडा नं –२ का वडा सदस्य धर्मराज जैशीले बताए ।

उनले भने, “यो मेसिनले पहिरो गएको बेला झन्डै एक किलो मिटर टाढा सम्म आवाज दिन्छन् । त्यो आवाजले पहिरो गएका बेला यहाँका स्थानीयलाई भाग्न सहज हुन्छ ।” मेसिनले पहिरो आएको बेलामा आवाज दिने गरेपछि यहाँका स्थानीय पहिरोबाट बच्न सक्ने सम्भावना धेरै रहेको वडा सदस्य जैशीले बताए ।

बाजुराका अधिकांश गाउँ बस्ती पछिल्लो समय पहिरोको जोखिममा रहेका छन् । ती बस्तीमा पहिरो गएको बेला भाग्न सहज हुने गरी पहिरो पूर्व सूचना दिने मेसिन (साइरन) जडान गर्न निकै आवश्यक देखिन्छ ।

बाजुरामा यस्तो मेसिन अहिले सम्म कतै जडान गरिएको छैन । यो बाजुरा जिल्लाकै सबै भन्दा पहिलो साइरन मेसिन जडान गरिएको राम लक्षण प्रालिले जनाएको छ । यो मेसिनले पहिरो आएको बेला झन्डै एक किलोमिटर टाढा सम्म आवाज दिने गर्छ । बजेडीका स्थानीयलाई मात्र नभई खप्तड छेडे दह गाउँपालिकाको गुइबनबासीलाई समेत पहिरोबाट सतर्क गर्न सक्ने राम लक्ष्मणले बताए । गोरखापत्रबाट