धनगढी- कैलालीको धनगढी उपमहानगरपालिका–४ बसपार्कमा बाजुरा होटल सञ्चालनमा आएको छ । बसपार्क पछाडि गोल मार्केट नजिक बाजुरा होटल सञ्चालनमा आएको हो ।
बुधवार एक कार्यक्रमका बिच होटल व्यवसाय संघ कैलालीका अध्यक्ष केशव पाण्डेयले उद्घाटन गरेका हुन् । अध्यक्ष पाण्डेयले रिबन काटेर होटलको उद्घाटन गर्दै बाजुरा होटल परिवारलाई ब्यवसायीक सफलताको शुभकामना व्यक्त गरेका छन् ।
होटल सञ्चालनले आर्थिक क्रियाकलाप बढाउनुका साथै युवाहरूलाई ब्यवसायीक क्षेत्रमा लाग्ने प्रेरणा मिल्ने बताए । उपभोक्ताको चाहाना र मागलाई मध्यनजर राख्दै बाजुरा होटल सञ्चालनमा ल्याइएको बाजुरा होटलका सञ्चालक लीला जोशीले बताए ।
होटलमा स्पेसल भेज, नन भेज खाना, अर्गानिक खानेकुरामा कोदो, फाँपर, मकैको परिकार, लोकल कुखुराको सुप लगायत बाजुराका स्थानीय उत्पादनका परिकारहरू खुवाउने व्यवस्था मिलाएको बताए ।
अहिलेको समयमा हरेक युवाहरू दिनानुदिन विदेश पलाएन भइराखेको अवस्थामा आफनै देशमा केही गर्न उद्देश्यले होटल सञ्चालन गरेको उनले बताए । दुई करोड ३५ लाखको लगानीमा उक्त होटल सञ्चालनमा आएको हो ।
