धनगढी- सुदूरपश्चिम प्रदेश सरकारका उद्योग, पर्यटन, वन तथा वातावरण मन्त्री रमेशसिंह धामीले देशमा संघीय लोकतान्त्रिक गणतन्त्रको विकल्प नभएको बताएका छन् । नवौँ उद्योग दिवसका अवसरमा शनिबार सुदूरपश्चिम प्रदेशको उद्योग, पर्यटन, वन तथा वातावरण मन्त्रालय, उद्योग वाणिज्य तथा उपभोक्ता हित संरक्षण निर्देशनालय र घरेलु तथा साना उद्योग कार्यालयले गरेको कार्यक्रममा बोल्दै मन्त्री धामीले यस्तो बताएका हुन् । ठूलो बलिदानबाट देशमा संघीय लोकतान्त्रिक गणतान्त्रिक व्यवस्था ल्याइएको उनले बताए ।
‘राजामाराजाहरुकै पालाका मन्त्री, प्रधानमन्त्रीहरुले सबै निजीमा कलकारखाना बेच्ने अहिले आएर रोइलो गर्ने ?’ उनले प्र्र्रश्च गर्दै भने ‘अहिले यहाँ हामी पनि आएका छौँ । अहिलेको संघीय लोकतान्त्रिक गणतन्त्रमा रहेर हिजो बिगारेका कुराहरू सपार्ने हो।’
उनले अहिले व्यवस्थालाई नै कमजोर देखाएर अराजकता फैलाउने प्रवृत्ति हाबी भइरहेको भन्दै उनले चिन्ता व्यक्त गरे । काम गर्ने मान्छेलाई पनि काम गर्न नमिल्ने वातावरण बनाइरहेको उनले बताए ।
