धनगढी- धनगढीको चैतन्य पाठशालाले अभिभावक शिक्षा चैतन्य आदर्श अभिभावक उत्प्रेरणा कार्यक्रम गरेको छ । आफ्ना छोराछोरीको शिक्षा र संस्कारमा अभिभावकलाई जिम्मेवार बनाउने उद्देश्यले कार्यक्रम गरेको विद्यालयको मान्यता रहेको छ।
अभिभावक शिक्षा तथा चैतन्य आदर्श अभिभावक उत्प्रेरणा कार्यक्रम विद्यालय व्यबस्थापन समितिका अध्यक्ष ईश्वर गिरी को अध्यक्षतामा भएको थियो । प्रमुख अथितिमा चैतन्य ईन्सिच्युड अफ म्यानेजमेन्टका प्रमुख प्रशासकिय अधिकृत तथा चैतन्य पाठशालाका अध्यक्ष गणेश प्रसाद जोशी रहेका थिए ।
अभिभावक शिक्षा चैतन्य आदर्श अभिभावक उत्प्रेरणा कार्यक्रममा बोल्दै प्रमुख अथिति जोशीले शिक्षासँगै संस्कारलाई प्राथमिकतामा राख्दै आएको चैतन्य पाठशालाले आज शनिवार अभिभावक शिक्षा चैतन्य आदर्श अभिभावक उत्प्रेरणा कार्यक्रम यसरी गर्ने धनगढीमा पहिलो स्कुल चैतन्य भएको बताए । उनले शिक्षा र संस्कारकै कारण अहिले संस्कृतिको विकास भैरहेको बताउँदै शिक्षाले संस्कार र संस्कारले शिक्षालाई जोड्ने पुलको काम गरेको बताए ।
हाम्रो शिक्षामा सुधार पढाइले मात्रै नभएर पढाइ संगसंगै अन्य अतिरिक्त कृयाकलाप गर्नु पर्ने आवश्यकतामा रहेको जोशीले बताए ।चैतन्य पाठशाला नवीन सोच बोकेर नयाँ मार्गमा हिडिरहेको छ । अब यसलाई गन्तव्य प्रदान गर्ने काम अभिभावकको रहेको जोशीले बताए।
यदि समाजलाइ शिक्षित समाज बनाउनु छ भने शुरुमा अफैबाट केही परिवर्तन र परिमार्जन गर्नुपर्ने हुन्छ । शिक्षामा रुपान्तरण गर्नु पर्ने हामी सबैको जिम्वारी भएकाले हामीले नै लाग्नु पर्ने चैतन्य पाठशालाका पिटीए ,अध्यक्ष ईश्वर गिरीले बताए । अभिभावक शिक्षा चैतन्य आदर्श अभिभावक उत्प्रेरणा कार्यक्रममा अभिभावक,शिक्षक,शिक्षिका, विद्यार्थी रहेका थिए।
