धनगढी- सहमती जुटन नसकेपछी नेकपा एमाले कैलालीको अध्यक्षमा ४ जनाले उम्मेदवारी घोषणा गरेका छन । एमाले कैलालीका कार्यवाहक अध्यक्ष दुर्गा जोशीले यसअघि नै उम्मेदवारी घोषणा गरेका थिए भने सचिव डेजी पाण्डे, यज्ञ ढुंगाना र कमल रानाले अध्यक्षका लागि आज उम्मेदवारी घोषणा गरेको नेकपा एमालेका नेता मदन रेग्मीले निशाना न्युजलाई जानकारी दिए । त्यस्तै उपाध्यक्षमा विष्णु चौधरी, वीरेन्द्र रावल,आनन्द भट्ट, मदनराज ओझा,दलबहादुर विष्ट र लोकेन्द्रबहादुर शाही छन् । सचिवमा विष्णुकुमार चन्द, दानबहादुर विश्वकर्मा, र ममता प्रसाद चौधरी रहेका छन् ।
उपसचिवमा राजु गुरुङ,किशोर शाह, चुडामणी भट्ट, मदनराज रेग्मी, नृप खड्का, रत्ना कुवर जोशी, भुवन रिजाल , चक्र बहादुर विष्ट, अम्बिका विष्ट मल्ल, गङ्गा कुमारी चौधरी शान्ति देवी सिंह र गीता चौधरी रहेका छन् ।
उनले नयाँ नेतृत्व चयनका लागि दिउँसो २ बजेबाट मतदान सुरु हुने कार्यतालिका रहेको बताए । आज अधिवेशनको चौथो दिन हो । सहमतीको प्रयास असफल भएपछि आ–आफनो प्यानलसहित अध्यक्षका उम्मेदवारहरु चुनावी मैदानमा उत्रिएका छन । एमाले कैलालीको नवौँ जिल्ला अधिवेशन सुखडमा जारी छ । अधिवेशन ६ गते उद्घाटन भएको थियो ।
निर्वाचन समितिले अहिलेसम्म उम्मेदवारको नावावली भने प्रकाशन नगरेको एमाले कैलालीका नेता सम्भु कुँवरले बताए । उनले भने उम्मेदवारको नावावली निर्वाचन समितिले अहिलेसम्म प्रकाशन गरेको छैन् । निर्वाचन समितिले आफूले तोकेको समयमा कुनै काम पनि गरिरहेको छैन् ।
