धनगढी- जिल्ला सहकारी संघ कैलालीका नवनिर्वाचित कार्यसमितिले शपथ ग्रहण गरेका छन् । धनगढीमा आइतबार सुदूरपश्चिम प्रदेशका भूमि व्यवस्था कृषि तथा सहकारी मन्त्री रामेश्वर चौधरीको उपस्थितिमा निर्वाचन समितिका संयोजक डा.लोकबहादुर विष्टले नवनिर्वाचित कार्यसमितिलाई शपथ ग्रहण गराएका हुन् ।
कार्यक्रममा बोल्दै मन्त्री चौधरीले सहकारीको माध्यमबाट अर्थतन्त्र बलियो हुनेमा जोड दिए । उनले सहकारी क्षेत्रलाई थप मजबुत बनाउन आफ्नो तर्फबाट सहयोग रहने बताए ।
शपथ ग्रहणपछि प्रतिक्रिया दिँदै नवनिर्वाचित अध्यक्ष फणीराज सापकोटाले सहकारीलाई जोड्दै बाँकी समय संस्थालाई चुस्त दुरुस्त बनाउन नयाँ समिति लाग्ने बताए ।
शपथ ग्रहण पश्चात् नयाँ कार्यसमितिको पहिलो बैठक बसेको थियो । यसअघि निर्वाचनमा सापकोटाले १६९ मत ल्याएर विजय भएका थिए । उनका प्रत्याशी कृष्णराज पाण्डेले १५९ मत पाएका थिए ।
