बाजुरा- बाजुरा जिल्लाको बडीमालिका नगरपालिका– ६ कोर्धमा आइतबार राति आगलागी हुँदा तीन घर जलेर पूर्णरूपमा नष्ट भएका छन्।अम्म बडुवाल, बलबहादुर बडुवाल र बादुरे बडुवालकोसंगै जोडिएका तीनतले घरमा आगलागी भएको जिल्ला प्रहरी कार्यालय बाजुराले जानकारी दिएको छ। दिउँसो काममा सदस्यहरु घर नफर्कँदै साँझ ७ बजेतिर घरमा आगोको मुस्लो देखिएको थियो।
बिजुलीको तार सर्ट भएर आगलागी भएको र आगलागीबाट लत्ताकपडा, खाद्यन्नसहित सवै सामान जलेर नष्ट भएको छ। मानबीय र पशुचौपाएको क्षति भने नभएको प्रहरीले जनाएको छ। आगो स्थानीयबासी र जिल्ला प्रहरी कार्यालयबाट गएको टोलीले नियन्त्रणमा लिएका थिए।
