कैलाली- कञ्चनपुरको कृष्णपुर नगरपालिकाले सडक स्तरोन्नतीलाई तीब्रता दिएको छ ।
नगरपालिकाले आफ्नै स्रोतसाधनबाट १ देखि ९ नम्बर सम्मका सबै वडाको सडक स्तरोन्नतीलाई तीब्रता दिएको हो ।
चालु आर्थिक बर्षमा नगरपालिकाले सबै वडामा ५ किलोमिटर सडक स्तरोन्नती गरेको नगरपालिकाका ईन्जिनियर दिपेन्द्र कुँवरले निशाना न्युजलाई जानकारी दिए ।
वडा नं १ मा दुई योजना अन्तरगत रु ४० लाखको लागतमा ४ सय ४९ मिटर कालो पत्रे भइरहेको उनले बताए ।
सोही लागतमा वडा नं २ मा ६ सय ७१, वडा नं ३ मा ५ सय १२, वडा नं ४ मा ४ सय ६३ वडा नं ५ मा ५ सय मिटर सडक कालो पत्रे भइरहेको उनले बताए ।
त्यस्तै वडा नं ६ मा ४ सय ५७.५, वडा नं ७ मा ४ सय ६७.५ वडा नं ८मा ४ सय २ र ९ मा ४ सय १९.५ मिटर सडक कालोपत्रे भईरहेको उनको भनाइ छ ।
संघीय समपुरक अनुदानबाट ५० लाख र नगरपालिकाको ५० गरी वडा नं ९ को चपरतोला पिपरियाको ५ सय ६८ मिटर सडक निर्माण भईरहेकोे उनले बताए ।
तराई मधेस समृद्धी कार्यक्रम अन्तरगत २५ लाख र नगरपालिकाको २० गरी ४५ लाखमा वडा नं ४ को किचाई देखी कृष्ण माविसम्मको ४ सय ४५.५ मिटर सडक कालो पत्रे भइरहेको ईन्जिनियर बिष्णुराज जोशीले बताए ।
त्यस्तै प्रदेश समपुरक अनुदा बाट ६० लाख र नगरपालिकाको ६० गरी बंङ्ख निगालीको १ हजार ३ सय ७२ मिटर र चमनचौराहदेखी जोरायल जाने ८ सय ६७ मिटर सडक कालोपत्रे भईरहेको उनले बताए । नगरपालिकाको योजनाबाट शब बाहन खरिद अन्तिम चरणमा पुगेको उनले बताए । २५ लाखको ठेक्का रहेको र मुल्याङ्कन हुन बाँकी रहेको उनले बताए ।
