अछाम । अछाममा मोटरसाइकल दुर्घटना हुँदा जिवन थापाको मृत्यु भएको छ । मंगलबार साँझ अछाम, मंगलसैन ५ स्थित खाध्या मोड नजिकै मध्य पहाडी लोकमार्गमा ठुलासेनबाट मंगलसैन तर्फ जादै गरेको से ७ प १४६९ नम्बरको मोटरसाईकल अनियन्त्रित भई सडकबाट अन्दाजी ३५ मिटर तल तल्लो मोडमा खस्न जाँदा मोटरसाइकल चालक थापाको मृत्यु भएको हो ।
उनी घाईते भई उपचारको लागि जिल्ला अस्पताल मंगलसैनमा लगिएकोमा उपचारको क्रममा मृत्यु भएको, र मोटरसाइकलमा पछाडी सवार सोही ठाउँ बस्ने बर्ष १७ को चेतन थापाको न्याय हेल्थ अस्पताल बयलपाटा, अछाममा उपचार भईरहेको प्रहरीले जनाएको छ ।
