धनगढी । सुदूरपश्चिम प्रदेशमा पुरुषभन्दा महिला मतदाताको संख्या बढी रहेको छ । आगामी फागुन २१ गते हुने प्रतिनिधिसभा सदस्य निर्वाचनका लागि प्रदेशमा पुरुषभन्दा महिला मतदाताको संख्या बढी रहेको हो ।

निर्वाचन आयोगले अद्यावधिक गरेको मतदतामध्ये महिलाको संख्या ८ लाख ६४ हजार ४२३ महिला र पुरुषको संख्या ८ लाख ५२ हजार २१९ रहेको प्रदेश निर्वाचन कार्यालय धनगढीका सूचना अधिकारी राजेश चौधरीले जानकारीले जानकारी दिए । त्यस्तै, १८ जना अन्य मतदाता रहेका उनले जानकारी दिए ।

प्रतिनिधिसभा निर्वाचनका लागि प्रदेशमा १७ लाख १६ हजार छ सय ६० मतदाता कायम भएका छन् । विसं. २०७९ सालको निर्वाचनमा १६ लाख ६९ हजार ४११ म्तदाता रहेका थिए । हाल प्रदेशमा ४७ हजार २४९ मतदाता थपिएका प्रदेश निर्वाचन कार्यालयले जनाएको छ ।

प्रदेश निर्वाचन कार्यालयका अनुसार कैलालीमा ५ लाख ५१ हजार ५२,कञ्चनपुरमा ३ लाख १४ हजार ३८५,अछाममा १ लाख ६५ हजार ३३७ र बैतडीमा १ लाख ५६ हजार ३ सय ७२ मतदाता रहेका छन् ।

त्यस्तै,डोटीमा १ लाख २८ हजार ३९९ बझाङमा, १ लाख २६ हजार ९०३,दार्चुलामा ९२ हजार ९४८,डडेल्धुरामा ९३ हजार ४०३,बाजुरामा ८७ हजार ८६१ मतदाता रहेको प्रदेश निर्वाचन कार्यालयले जनाएको छ ।

प्रदेशभरी १ हजार १७६ मतदानस्थल र २ हजार १९९ मतदान केन्द्र कायम रहेको जनाइएको छ ।