धनगढी । सुदूरपश्चिम प्रदेशका मुख्यमन्त्री कमलबहादुर शाहले कृषि क्षेत्रको विकास र कृषकको सम्मान नै समृद्ध नेपालको आधार भएको बताएका छन ।
२३औँ राष्ट्रिय धान दिवस तथा रोपाइँ महोत्सवको अवसरमा आज शुभकामना सन्देश जारी गर्दै उनले यस्तो बताएका हुन ।
शुभकामना सन्देशमार्फत मुख्यमन्त्री शाहले किसानहरूको मेहनत, समर्पण र पसिनाले नै देशको खाद्य सुरक्षा, अर्थतन्त्र तथा समृद्धिको आधार निर्माण गरेको बताए ।
उनले भनेका छन ‘यो वर्षको रोपाईंले सबैमा खुशी, समृद्धि र उन्नति ल्याओस् भन्ने कामना गर्दछु।’
उनले यो अवसरमा प्रदेशवासी तथा देशभरिका सम्पूर्ण कृषकहरूमा हार्दिक शुभकामना व्यक्त समेत व्यक्त गरेका छन ।
