काठमाडौं – प्रिमियर लिगमा म्यानचेस्टर युनाइटेडले उल्भरह्याम्प्टन वन्डरर्समाथि १–० को जित हासिल गरेको छ । शनिबार भएको खेलमा म्यानयुलाई जिताउन मार्कस रासफोर्डले ७६ औं मिनेटमा गोल गरे ।
म्यानेजर इरिक टेन हागले अनुशासनको विषयलाई लिएर रासफोर्डलाई स्टार्टिङ लाइनअपमा समावेश गरेका थिएनन् । ४५ औं मिनेटमा अलेजान्द्रो गार्नाचोको स्थानमा मैदान प्रवेश गरेका उनले टिमलाई जित दिलाए ।
जितसँगै म्यान यु १६ खेलबाट ३२ अंक जोड्दै प्रिमियर लिगको चौथो स्थानमा रहेको छ ।
