धनगढी- बिमा सम्बन्धी पत्रकारसँग छलफल तथा अन्तरक्रिया कार्यक्रम सम्पन्न भएको छ । नेपाल बिमा प्राधिकरण सुदूरपश्चिम प्रदेशले बुधवार धनगढीमा पत्रकारसँग अन्तरक्रिया कार्यक्रम गरेको हो ।
कार्यक्रममा नेपाल बिमा प्राधिकरण सुदूरपश्चिम प्रदेश कार्यालयका प्रमुख हृदयश्वर पण्डितले कार्यपत्र प्रस्तुत गर्दै प्राधिकरणले बीमितको हित संरक्षण,बिमा कम्पनीको नियमन,सुपरीबेक्षण,बिमाको प्रबद्र्धन,विकास तथा विस्तारमा काम गर्दै आएको बताए ।
त्यस्तै प्राधिकरणको प्रदेश कार्यालयले प्रदेश,स्थानीय सरकार तथा अन्य सरोकारवाला निकायसँग समन्वय गर्ने कार्य गर्ने गरेको बताए । उनले सुदूरपश्चिम प्रदेशमा कृषि बिमाका लागि बिमा कम्पनीले ८० प्रतिशत र सुदूरपश्चिम प्रदेश सरकारले २० प्रतिशत गरी शत प्रतिशत छुट दिएको भएपनि दुई प्रतिशत मात्रै प्रिमियम सङ्कलन भएको बताए ।
त्यस्तै उनले बच्चाका बिमा भने सुदूरपश्चिममा देशभरिकै बढी रहेको तथ्याङ्क प्रस्तुत गरे । त्यस्तै उनले गत आव २०७९÷८० मा देश भरी एक अर्ब ८२ अर्ब ९१ करोड प्रिमियम सङ्कलन भएकोमा सुदूरपश्चिमबाट सात अर्ब ४९ करोड प्रिमियम सङ्कलन भएको उनले बताए ।
बिमाबाट देश भरी ११ हजार चार सय ९६ जनाले प्रत्यक्ष रोजगारी पाएको तथा दुई लाख ७७ हजार ६ सय २६ जना अभिकर्ता रहेको उनले बताए ।
कार्यक्रममा बीमितको आयस्रोतले नधान्ने ठुलो रकमको बिमा अभिकर्ताले गरिदिँदा बीमितलाई समस्या हुने गरेको गुनासो आउने गरेको सहभागीले बताएका थिए ।
