धनगढी- कैलालीको धनगढीमा रहेको ग्यालेक्सीका ११ जना विद्यार्थी पूर्ण छात्रवृत्तिमा नाम निकाल्न सफल भएका छन् । ग्यालेक्सीबाट माध्यमिक तहको परीक्षा उत्तीर्ण गरेका १० जना विद्यार्थीले एकै पटक इन्जिनियरिङ अध्ययनका लागि लिइएको प्रवेश परीक्षामा पूर्ण छात्रवृत्तिमा नाम निकाल्न सफल भएका हुन् ।
देशभरिका लाखौँ विद्यार्थीको प्रतिस्पर्धा रहेको इन्जिनियरिङको प्रवेश परीक्षामा ग्यालेक्सीका निसान उपाध्याय, विज्ञान अवस्थी, टेकराज भट्ट, प्रकाश सिंह बाघ, सुवोध भट्ट, सुरज भट्ट, निखिल सिंह विष्ट, सिर्जना पन्त, अंकित जोशी र प्रवेश कुँवरले पूर्ण छात्रवृत्तिमा नाम निकाल्न सफल भएका हुन् ।
यस्तै ग्यालेक्सीकै एक जना विद्यार्थीले चिकित्सा विज्ञान अध्ययन संस्थानले लिएको एमबिबिएसको प्रवेश परीक्षामा पूर्ण छात्रवृत्तिमा नाम निकाल्न सफल भएका छन् । ग्यालेक्सीबाट माध्यमिक तहको शिक्षा पुरा गरेका सशान्त मडैले एमबिबिएस अध्ययनको लागि चिकित्सा विज्ञान अध्ययन संस्थानले लिएको प्रवेश परीक्षामा पूर्ण छात्रवृत्तिमा नाम निकाल्न सफल भएका हुन् ।
ग्यालेक्सीले आफ्नो विद्यालयमा कक्षा ११ र १२ विज्ञान संकाय अध्ययन गरी माध्यमिक तह उत्तीर्ण गरेका विद्यार्थीले देशकै चर्चित चिकित्सा विज्ञान अध्ययन संस्थान र इन्जिनियरिङ अध्ययन संस्थानले लिएको प्रवेश परीक्षामा पूर्ण छात्रवृत्तिमा नाम निकाल्न सफल भएकोमा खुसी व्यक्त गर्दै सफल विद्यार्थीलाई बधाई ज्ञापन गरेको छ ।
