धनगढी- सुदूरपश्चिममा एचआईभी एड्स संक्रमित चार हजार सात सय १७ जना रहेका छन् । ३६ औँ विश्व एड्स दिवसको पूर्व सन्ध्यामा बिहीबार स्वास्थ्य कार्यालय कैलालीले आयोजना गरेको पत्रकार अन्तरक्रिया कार्यक्रममा उक्त जानकारी दिइएको हो । उपचार गराइरहेका तीन हजार ६२३ छन् भने गत वर्ष नयाँ संक्रमित २५२ रहेका छन् ।
स्वास्थ्य निर्देशनालय डोटीका एचआईभि एड्स फोकल पर्सन देवदत्त जोशीले कैलालीमा गत वर्ष मात्रै १२० जना संक्रमित फेला परेको र
६४ जनाको मृत्यु भएको बताए। सुदूरपश्चिममा एचआईभी एड्स उपचार केन्द्र एआरटी १७ रहेको उनले बताए ।
नेपाल भरी एचआईभी एड्सको अवस्था जम्मा अनुमानित ३० हजार रहेका छन भने वयस्क महिला १३ हजार,वयस्क पुरुष १६ हजार,१४ वर्ष मुनिका बालबालिका एक हजार रहेको जोशी ले बताए ।
सन २०२२ को अन्त्य सम्ममा २७ हजार ७४५ व्यक्तीहरुमा एचआई भी संक्रमण पत्ता लागेको छ भने २३ हजार २९३ व्यक्ती उपचारमा रहेका छन् । १६ हजार ३३६ जना भाईरल लोड सुप प्रेस रहेको, वार्षिक नेपालमा नयाँ सङ्क्रमित हुने र एड्स सम्बन्धी मृत्यु हुनेको संख्या पाँच सय हुने गरेको जोशी जानकारी दिए ।
विगत भन्दा क्रमश एचआईभी संक्रमित हुनेको संख्या कम हुँदै गएको उनको भनाई छ । जनचेतनाका कारण, सामाजिक भेदभाव हुन बाट मुतm हुनुले पनि एचआइभी संक्रमितको संख्या कम हुँदै गएको उनले बताए ।
