कैलाली- धनगढीको पार्कमोड स्थित अमीत प्लाजा रहेको  घरमा शनिबार धनगढी उपमहानगरपालिकाले डोजर चलाइ भत्काउन सुरुगरे पछि घरधनीले उपमहानगरपालिकाले दादागिरी गरेको आरोप लगाएका छन् ।  धनगढी उपमहानगरपालिका–१ मा रहेको  सो घरका घरधनी दुष्यन्तकुमार बस्नेतले धनगढी उपमहानगरपालिकाले रिसीबी साद्दै आफनो घर भत्काएको आरोप लगाएका हुन्।

धनगढी उपमहानगरपालिकाका विरुद्ध २०८०/४/२४ गते उच्च अदालत दिपायलमा मुद्धा दर्ता गरी मुद्धा नं. ०७९/w0/००२३ रहेको र २०८०/४/२५ गते घरतोडफोड नगरी यथावत रहन दिन भनी फैसला हुँदा पनि उपमहानगरले कानुनको पालना समेत नगरी घर भत्काउन शुरु गरेको उनको आरोप छ ।

‘यो सरासर उपमहानगरको दादागिरी हो’ उनले भने ‘आफनो पक्षमा फैसला हुँदा पनि धनगढी उपमहानगरले कानुनको खिलापमा गई घर भत्काउन शुरु गरेको छ’।  ‘उपमहानगरपालिकाले रहन र खान नदिने भयो गुनासो गर्दै बस्नेतले भने ‘यस्ता हर्कतबाट नागरिक आतंकित भईसकेका छन’ ।

धनगढी उपमहानगरपालिकाले भने  दुष्यन्तकुमार बस्नेत र प्रदीपकुमार अग्रवालको नाममा सँयुतm दर्ता श्रेस्ता भएको सिट नं।२७र०७६८०९ कित्ता नं ३६ क्षेत्रफलमा २१० व।मि।भएको जग्गामा निर्माण भएको लोडबियरिङ संरचना घरको भुई तला,पहिलो र दोस्रो गरी २।५ तलाको मात्र नक्सा पास गरेको जनाएको छ ।

बाँकी संरचनानाका साथै तेस्रो तलामा निर्माण गरेको ट्रस संरचनाको नक्सा र भवनको पूर्वतर्फ सडकमा ४’२” को छज्जा र छज्जामा बनेको स्टोर रुम वाथरुम समेत सडक अधिकार क्षेत्र भित्र परेको उपमहानगरले जारी गरेको सूचनामा उल्लेख छ ।

घरधनीलाई सोधिएको सफाइमा पनि नक्सा पास गरेकोे भन्दा बढी संरचना निर्माण गरेको भनी स्वीकार भएको र उक्तm कार्य कानुन विपरित देखिन आएको हुँदा स्थानीय सरकार सञ्चालन ऐन २०७४ को दफा ३९ बमोजिम नपाको स्वीकृती नलिई निर्माण गरेको संरचना अवैध भएकोले नगरप्रमुखबाट २०८०/८/१३ मा सूचना जारी गरी २४ घण्टा भित्र घर खाली गर्न सूचना टाँस समेत गरेको छ ।

धनगढी उपमहानगरपालिकाका इन्जिनियर दिजराज भट्टले  नगरपालिकाको अनुमती नलिइ बनाइएका अवैध संरचना भत्काउन शुरु गरेको  बताए ।  सडकलाई चौडा पनि गरिने र नालीको निकासका लागि पनि अवैध संरचना हटाउन शुरु गरेको  र सोही अनुसार तोडफोड गरिएको उनको भनाइ छ ।