धनगढी- सामाजिक सञ्जालमा तथानाम लेखेको भन्दै धनगढीका व्यवसायी मदन भट्ट र तेज खड्का ‘गोगाजासुस” का विरुद्ध धनगढीका वडाध्यक्ष जिल्ला प्रशासन कार्यालय कैलाली पुगेका छन् । धनगढीका वडाध्यक्षहरू विरुद्ध फेसबुकमा असभ्य शब्द लेख्ने विरुद्ध जिल्ला प्रशासनका मौखिक उजुरी दिएको वडा नम्बर ९ का वडाध्यक्ष प्रेम भण्डारीले जानकारी दिएका छन् ।
धनगढीका व्यवसायी मदन भट्ट र तेज खड्का ‘ गोगाजासुस” ले धनगढी उपमहानगरपालिका बहुमत कार्यपालिका सदस्यहरूले छलफल बिना राजपत्रमा प्रकाशित भएको भन्दै जग्गा प्लटिङ कार्यविधि खारेजीको माग हित प्रस्ताव दर्ता गराएपछि नगर प्रमुख गोपाल हमालको बचाउ गर्दै सामाजिक सञ्चालनमा वडा अध्यक्षहरूलाई तथानाम लेखेका थिए ।
कैलालीका प्रमुख जिल्ला अधिकारी धर्मेन्द्र कुमार मिश्रले वडाध्यक्षहरू मदन भट्ट र तेज खड्का ‘ गोगाजासुस”ले फेसबुकमा वडाध्यक्षको बारेमा लेखेको स्कृनसट समेत प्रशासनमा पुगेको बताए । कैलालीका प्रहरी प्रवक्ता डिएसपी कुलदिप चन्दले वडाध्यक्षहरूले जिल्ला प्रशासन कार्यालयलाई बुझाएको स्कृनसट तोका देश सहित प्रहरी कार्यालय पुगेको बताए ।
धनगढी उपमहानगरपालिका वडा नं १३का वडाध्यक्ष विजय जोशीले वडाध्यक्षहरू सामाजिक सञ्जालमा तथानाम लेखेको स्कृनसट प्रशासनलाई बुझाएको बताए । मदन भट्ट र तेज खड्का ‘ गोगाजासुस” नगरप्रमुख गोपाल हमालका समर्थक हुन । नगरप्रमुख हमालले गरेका कामको प्रशंसा गर्ने भट्ट र खड्का नगरप्रमुखको आलोचना गर्ने ब्यक्तिका विरुद्ध सामाजिक सञ्जालमा बचाउ गर्ने गर्दछन् ।
