कैलाली- संघीय आयोजना कार्यान्वयन इकाई धनगढी शाखाले कैलालीका विभिन्न स्थानमा सडक स्तर उन्नति र कालोपत्रे सम्पन्न गर्ने कार्यलाई निरन्तरता दिएको छ । इकाईले धनगढीका केही स्थान र कैलालीको टिकापुर क्षेत्रका सडकहरूको स्तर उन्नति कालोपत्रे सम्पन्न गर्ने कार्यलाई निरन्तरता दिएको हो ।

धनगढी उपमहानगरपालिकामा सम्झौता भई कार्यान्वयनमा रहेको सडक तथा नाला निर्माण कार्य दोस्रो चरणमा र धनगढी ५ जाई ६ को जाली सम्मको सडक स्तर उन्नति को कार्य सम्पन्न भएको संघीय आयोजना कार्यान्वयन इकाईका सूचना अधिकारी सौरभ कलौनी ले जानकारी दिए ।

घोडाघोडी नगरपालिका पहलमानपुर देखि लालबोझी सडक कालोपत्रे, कैलालीको गोदावरी नगरपालिका २ मा ढल निकास राजधानी टोल निर्माण कार्य र धनगढी उपमहानगरपालिका ४ उत्तर बेहडी कैलाश टोल सडक तथा नालाको स्तरउन्ती को कार्य सम्पन्न भएको उनले बताए ।

धनगढी उपमहानगरपालिका नैनादेबि परिसर सुधार तथा सौन्दर्यीकरण , धनगढी १ पशुपति मन्दिर त्रिबेणीघाट सडक स्तरउन्नतीको कार्य पनि सम्पन्न भइसकेको उनको भनाई छ । धनगढी १३ श्रीलङ्का नमुना टोल देखि कमैया टोल सम्मको सडक ,कैलालीको टिकापुर नगरपालिका ७ पदमपुर नोबेल पब्लिक स्कुलदेखि सन्तराम चौधरीको पसल रहेको चोक सम्म सडक स्तरउन्नतीको काम सम्पन्न भएको उनले बताए ।

त्यस्तै कैलालीको लम्कीचुहा नगरपालिका को शहरी पूर्वाधार निर्माण र धनगढी उपमहानगरपालिका ५ धनगढी स्याउले सडक कालोपत्रे कार्य ८० प्रतिशत सम्पन्न भएको उनले बताए ।

धनगढीको १,२,३ र १३ को मोहना करिडोर निर्माण, सघन शहरी विकास कार्यक्रम अन्तर्गत कैलालीको गौरीगंगा नगरपालिकामा एकीकृत शहरी पूर्वाधार विकास कार्य , लम्कीचुहा नगरपालिकाको ७ हरदानीमा चाँदको पार देखि पिपल पकरिया हुँदै जानकी नगर जाने टोल र पछाडिको सडक स्तर उन्नति कार्य ८० प्रतिशत सम्पन्न भएको सूचना अधिकारी एवं इन्जिनियर कलौनीले बताए ।

धनगढी उपमहानगरपालिका १७ को न्यु कालिका आधारभूत विद्यालय जाने सडक स्तर उन्नति ८० प्रतिशत, सघन सहरी विकास कैलालीको टिकापुर नगरपालिका जमरा पुल देखि बसपार्क सम्म नाला तथा सडक स्तर उन्नति ९० र , सघन सहरी विकास टिकापुर नगरपालिका ब्लक १ मा पूर्वाधार विकासको कार्य ९० प्रतिशत सम्पन्न भएको उनले बताए ।

नाला निर्माण,स्तर उन्नति सडक कालोपत्रे रिगरोड निर्माण जस्ता कार्य ६०,देखी ८० प्रतिशत सम्म सम्पन्न भएका छन भने कुनै स्थानमा ९० प्रतिशत र कुनैमा पुरै सम्पन्न भइसकेको उनको भनाई छ । बाँकी रहेका क्षेत्रमा सम्पन्न गर्ने कार्यलाई निरन्तरता दिएको उनले बताए ।