धनगढी- धनगढी उपमहानगरपालिकाका नगरप्रमुख गोपाल हमालको घरमा कालो ब्यानर टाँसिएको छ । बुधवार मोहन वैद्य नेतृत्वको क्रान्तिकारी कम्युनिस्ट पार्टी नेपालले नगरप्रमुख हमालको घरमा कालो ब्यानर र झन्डा टाँसेको हो ।
उपमहानगरपालिकालाई जनजीविका, जनतन्त्र र जनअधिकारका विषयमा सम्बोधनका लागि हुलाकमार्फत अल्टिमेटम पठाउँदा समेत समाधानतर्फ ध्यान नदिएको भन्दै कालो ब्यानर लगाइएको जनाइएको छ । यसअघि सोमवार धनगढीमा पत्रकार सम्मेलन गर्दै क्रान्तिकारी युवा सङ्गठनले नगरप्रमुख हमालको घरमा कालो ब्यानर टाँस्ने चेतावनी दिएको थियो ।
