धनगढी- कैलालीको चुरे गाउँपालिका–६ वडा कार्यालयद्वारा सोमबार ज्येष्ठ नागरिक सम्मान कार्यक्रममा कम्बल वितरण गरिएको छ ।
वडा कार्यालयले चालु आर्थिक वर्षमा विनियोजित स्वीकृत कार्यक्रम अनुसार अपाङ्गता, बिधुवा, अति अशक्त, गरिब विपन्न परिवाका गरी ५० जना ज्येष्ठ नागरिकलाई कम्बल वितरण गरी सम्मान गरिएको वडाध्यक्ष प्रेम साउँदले बताए ।
वडा कार्यालयले ६५ वर्ष माथिका ज्येष्ठ नागरिक र पूर्ण असक्त अपाङ्ग, गरिब विपन्नलाई न्यानो सामाग्री वितरण गरेको हो । वडा कार्यालयले जारी गरेको सूचनाका आधारमा निवेदन दिएका ज्येष्ठ नागरिक लगायतलाई सम्मान स्वरूप न्यानो कम्मल वितरण गरिएको जनाइएको छ ।
चुरे गाउँपालिका–६ का वडाध्यक्ष साउँदले वडाका सम्पूर्ण ज्येष्ठ नागरिक तथा अपाङ्गता भएका व्यक्तिलाई सम्मान र सहयोग गर्ने उद्देश्यका साथ यो कार्यक्रम गरिएको बताए ।
