नरेन्द्र रावल/अछाम-अछामको मंगलसेन नगरपालिकाले नगर भित्रका अपाङ्गता भएका व्यक्तिको पहिचान गरी गाउँमै अपाङ्ग परिचय-पत्र वितरण गरिरहेको छ ।
मंगलसेन नगरपालिकाको बर्षको एक पटक घरदैलो सेवा अन्तरगत नगर उपप्रमुख संगीता रावल सोडारीसहितको टोलीले आज मंगलसेन नगरपालिका-१०, ११, १२ र १४ का ५ जना अपाङ्गता भएका व्यक्तिहरुलाई टोलमै गएर परिचय पत्र वितरण गरेको हो ।
टोलीमा नगर उपप्रमुख सोडारी,अछाम अस्पतालका डाक्टर अनमोल थापा, मंगलसेन नगरपालिका महिला बालबालिका तथा जेष्ठ नागरिक शाखा प्रमुख मन्जु महत, अपाङ्ग समन्वय समिति नगर अध्यक्ष रुद्ध विक, पत्रकार नरेन्द्र रावलको सहभागीता रहेको थियो ।
यसै गरी नगर उपप्रमुख सोडारीको टोलीले केही दिन अगाडि मंगलसेन नगरपालिका-१३ बस्तिमा पनि ५ जना अपाङ्गता भएका व्यक्तिको पहिचाको अधारमा अपाङ्गता परिचय पत्र वितरण गरेको थियो ।
आफुहरुलाई नगरको टोलीले गाउँमै आएर परिचय पत्र वितरण गरेकोमा धेरै राहत भएको मंगलसेन नगरपालिका-१२ की प्रेणा तिरुवाले बताइन ।
