धनगढी- सुदूरपश्चिमका मुख्यमन्त्री कमलबहादुर शाहले विकास निर्माणका लागि स्थानीय तह र प्रदेश सरकारबीच समन्वय हुन जरुरी रहेको बताएका छन् । बिहीबार धनगढीमा आयोजित प्रदेश तथा स्थानीय तहबीच कानून निर्माण, समीक्षा तथा विधायकी फ्रक्रिया सम्बन्धी संयुत्त कार्याशाला कार्यक्रममा बोल्दै उनले विकास निर्माणका लागि स्थानीय तह र प्रदेश सरकारबीच उनले विकास निर्माणका लागि संघ, प्रदेश र स्थानीय तहले विनियोजन गरेको बजेट समयमै कार्यान्वयन गर्नुपर्ने बताए ।
उनले जनताका आधारभूत आवश्यकता पूरा गर्ने जिम्मेवारी तीन वटै तहको रहेको उल्लेख गर्दै सुदूरपश्चिमको समग्र विकासका लागि बजेटमा एकरुपता हुनुपर्ने बताए । उनले स्थानीय तहमा कार्यरत कर्मचारीहरुको क्षमता अभिबृद्धिसँगै कानूनी प्रक्रियाका बारेमा जानकार हुनुपर्ने बताए । तीन वटै सरकारबीच समधुर समन्ध कायम गरेर अघि बढ्नुको विकल्प नभएको उनको भनाइ थियो ।
प्रदेशसभा सदस्य प्रकाशबहादुर बमले कानुन बनाउने प्रक्रिया झन्झटिलो भएकोले तीन वटै तहका सरकार सँग एक अर्कामा नबाझिने किसिमले बनाउनुपर्ने बताए । उनले प्रदेश सरकार आवश्यक कानुन बनाउने प्रक्रियामा रहेको बताए । उहाँले स्थानीय निकायमा कार्यरत कर्मचारीमाथि विभेद भएकोले एक रुपता ल्याउनुपर्ने बताए ।
नगरपालिका महासंघका अध्यक्ष एवं गोदावरी नगरपालिकाका नगरप्रमुख बिरेन्द्र भट्टले स्थानीय तहमा कानुन निर्माण गर्न अप्ठ्यारो भएको बताए । उनले कर्मचारी र स्थानीय जनप्रतिनिध कानुनप्रति जानकार नभएकाले कानुन निर्माण गर्न नसिकएको धारणा व्यक्त गरे । गोदावरी नगरपालिकाका प्रमुख प्रशासकीय अधिकृत हरिदत्त भट्टलेले कानुन निर्माणसँगै विकास निर्माणमा प्रदेश सरकार र स्थानीय तहबीच समन्वय हुनुपर्ने बताए । उनले कर्मचारीमा दक्षता र क्षमता नभएका कारण कार्यविधिबाट कानुन बनाउनुपर्ने अवस्था आएको बताए ।
