धनगढी- नेपालका चार धाम मध्यको एक सुदूरपश्चिम कै प्रमुख अछाम को वैद्यनाथ धाममा १४४ वर्ष पछि लाग्ने कोटिहोम को तयारी तीव्र पारिएको छ । फागुन १० देखि २५ गते सम्म आयोजना हुने वैद्यनाथ कोटिहोम २०८० को बारेमा आयोजकले शनिवार पत्रकार सम्मेलन मार्फत जानकारी दिएको हो ।
मूल आयोजक समितिका संयोजक शेरबहादुर कुँवरले देशै भर उपसमिति बनाएर तयारी को कार्य भइरहेको बताए । महायज्ञ मा झन्डै डेढ करोड को लगानी हुने उनले बताए ।
महायज्ञ को उद्घाटन राष्ट्रपति रामचन्द्र पौडेल ले गर्ने कार्यक्रम तय भएको उनले जानकारी दिए । महायज्ञमा ५ वटा मण्डप रहने छन् । कोटीहोममा कथाबाचन प्रा.भवानी प्रसाद खतिवडाले गर्ने छन् ।
संयोजक कुँवरले महायज्ञ को उद्घाटन मा २० हजार बढी स्थानीय को सहभागिता रहने आयोजकको अपेक्षा रहेको छ । महायज्ञ को समय पारेर समिट ऐर सँग धनगढी वा नेपालगन्जबाट उडान को व्यवस्था समेत गरिने गरी छलफल भइरहेको आयोजकले जनाएको छ ।
कोटिहोम मार्फत धर्म संस्कृति को जगेर्ना तथा आन्तरिक पर्यटनलाई बढाउने उद्देश्य समितिले राखेको छ । यस्तै समितिले कोटिहोमबाट हुने आम्दानीबाट त्यहाँ आयुर्वेदिक अस्पताल सञ्चालनमा ल्याउने समितिले योजना बनाएको छ ।
