धनगढी- कैलालीको धनगढीमा श्री कलेज अफ म्यानेजमेन्ट धनगढी कप स्कुल फुटबल प्रतियोगिता २०८० हुने भएको छ ।
दशरथ रंगशालामा फागुन ६ गतेदेखि १० गतेसम्म हुने भएको हो । प्रतियोगिताका विजेताले ५० हजार र उपविजेताले २५ हजार रकमसहित ट्रफी, मेडल पाउने छन् । प्रतियोगितामा उत्कृष्ट खेलाडीले ५०० रूपैयाँ प्राप्त गर्ने छन् ।
भाइचारा र खेलाडी पहिचान गर्ने उद्देश्यले प्रतियोगिता गरिन लागेको लिट्ल फ्लावर बोर्डिङ स्कुलका सञ्चालक रामचन्द्र शाहीले जानकारी दिए ।प्रतियोगितामा १० स्कुल सहभागी हुने उनको भनाई छ । उनका अनुसार नियमित अध्ययन गरिरहेको विधार्थि सहभागी हुन पाउने प्रावधान रहेको छ ।
साथै आजनै खेलतालिका सार्वजनिक भएको छ । खेल तालिका अनुसार पहिलो खेलमा दुर्गालक्ष्मी सेकेन्डरी स्कुल र सैनिक आवासिय विधालयबिच पतिष्पर्धा हुने भएको छ।
खेलकुद समिति डोटी अध्यक्ष प्रकाश शाहीले खेलाडी उत्पादनमा जोड दिन जरूरी रहेको छ । प्रतियोगिता धेरै भए र खेलाडी बाहिर जाने क्रम बढेको छ ।फुटबल एकेडेमीको खाँचो छ । जुनियर लेवललाई प्राथमिकता दिनुपर्छ ।
