धनगढी- सुदूरपश्चिम प्रदेशका उद्योग,पर्यटन,वन तथा वातावरण मन्त्री रमेशसिंह धामीले सामुदायिक विद्यालयको गुणस्तर सुधारका लागि अभिभावक तथा जनप्रतिनिधिले ध्यान दिन जरुरी रहेको बताएका छन् । बुधबार कैलालीको धनगढी उपमहानगरपालिका–१७, डमौलियास्थित सज्जन आधारभूत विद्यालयको ३३ औँ वार्षिकोत्सव समारोहमा बोल्दै मन्त्री धामीले यस्तो बताएका हुन् ।
उनले भने ‘हामी अन्य सामाजिक काममा लागेका हुन्छौँ तर आफ्ना छोराछोरी पढ्ने स्कुलमा ध्यान नदिने बानी छ । विद्यालयको गुणस्तर सुधारका लागि अभिभावकले पनि ध्यान दिनुपर्ने हुन्छ ।’ उनले भने ‘आफ्ना छोराछोरी पढ्ने विद्यालयको अवस्था कस्तो छ । के सुधार गर्नु पर्ने छ । आएर अभिभावकले हेनुप¥यो । आफूले सक्ने काम पनि गर्नु प¥यो ।’
उनले भने ‘बालबालिकाले विद्यालयबाट आइसकेपछि गृहकार्य गरे,गरेन् हेर्नु प¥यो,पढाइमा ध्यान दिएका छन कि छैनन् विचार पु¥याउनु प¥यो अनि मात्रै सामुदायिक विद्यालयहरु फष्टाउँछन् ।’ त्यस्तै जनप्रतिनिधिले पनि आफ्नो क्षेत्रमा रहेका विद्यालयको अवस्थाको नियमिति अनुगमन गर्नुपर्ने उनले बताए । सबैभन्दा नजिकको सरकार स्थानीय तह भएकाले विद्यालयको अवस्था कस्तो छ । खानेपानी,भौतिक संरचना,शिक्षकको उपस्थिति,सरसफाइको अवस्थालगायतका कुराको अनुगमनमा स्थानीय जनप्रतिनिधिले जोड दिनुपर्ने उनले बताए ।
त्यस्तै विद्यालय व्यवस्थापन समितिका बैठकमा प्रदेशका जनप्रतिनिधीलाई बोलाउन उनले आग्रह गरे । जहाँ निःशुल्क शिक्षा छ । दिवा खाजाको व्यवस्था छ । त्यस्तो विद्यालयमा भरसक विद्यार्थी नआउने आएपनि थारै मात्रै आउने । यस्तो अवस्था छ । यस्ता सामुदायिक विद्यालयमा विद्यार्थी आउने वातावरण हामी सबैको सँयुक्त प्रयासबाट मात्रै सम्भव छ । उनले भने ।
