काठमाडौँ- नेपाल पुस्तक तथा स्टेशनरी व्यवसायी महासंघ ७ औँ महाधिवेशनमा सुदूरपश्चिमकाबाट केन्द्रीय सचिवका लागि शम्भु लामिछानेले उम्मेदवारी घोषणा गरेका छन् । सुदूरपश्चिमको धनगढीबाट एक दशक लामो समयदेखि पुस्तक व्यवसायमा सक्रिय लामिछानेले केही समय अगाडि मात्र सचिवमा मनोनयन दर्ता गराएका हुन ।
लामिछानेको प्रस्तावकमा नेपाल पुस्तक तथा स्टेशनरी व्यवसायी महासंघ सुदूरपश्चिम प्रदेश कमिटी अध्यक्ष श्याम पाठक र समर्थकमा नेपाल पुस्तक तथा स्टेशनरी व्यवसायी संघ कैलालीका अध्यक्ष भीम पडाल रहेका छन ।
त्यस्तै केन्द्रीय सदस्य स्टेसनरी तर्फ योगेन्द्र बहादुर शाही र केन्द्रीय सदस्यमै पुस्तक तर्फ शकर दत्त भट्टले उम्मेदवारी मनोनयन दर्ता गराएका हुन । भूगोल तर्फ केन्द्रीय सदस्यमा सुदूरपश्चिम प्रदेशबाट शंकर बहादुर कठायतले मनोनयन दर्ता गराएका हुन । नेपाल प्रज्ञा प्रतिष्ठान कमलादीमा शक्रबारबाट सुरु भएको सातौँ महाधिवेशन शनिवार समापन हुनेछ ।
नेपाल पुस्तक तथा स्टेशनरी व्यवसायी महासंघको नयाँ नेतृत्वका लागि ५२ जनाको केन्द्रीय कमिटी २ वर्षका लागि चुनिनेछ । अहिलेसम्म केन्द्रीय अध्यक्षमा त्रिपक्षीय भिडन्त देखिएको छ । अध्यक्षमा ऋषिराम शर्मा, दिवाकर घिमिरे र शिव सागर शर्माले मनोनयन दर्ता गराएका छन् ।
